Ontwaak 

Standard

Daar is ‘n liedjie wat vir my ‘n kreed is op my reis met die aarde. Dis dalk glad nie hoe Arno Carstens dit bedoel het toe hy dit geskryf het nie. Maar dit raak my so diep dat ek dit na die hemele wil skreeu wanneer ek dit luister. Sodra mens kan sê: dis ons sin, hierdie ondier, die gemaskerde, gewapende dier, dan kan jy hom veg en sy krag wegneem. Maar jy moet eers sien dat hy ook aan jou behoort. 
So ontwaak in hierdie uur van nood. Laat die storie aan joú behoort. Sê eendag wanneer ons almal in die skoon lug, omring deur bome en skoon oseane staan, dat jy deel was van die begin van moeder aarde se herstel en nie van haar ondergang nie. 

 Kyk dit hier:

Arno Carstens – Ontwaak

Die som van ons probleme stuur vir almal ‘n boodskap van hoop.

Ek dink my vriend is die messias, eenvoudig volmaak.
Verafsku deur die massas, alleen denkend en knaend onvanpas.
Sou dit hy wees wat die wêreld eendag laat herontwaak.
Wakker klap.
Wakker klap.

Ontwaak in hierdie uur van nood.
Laat die storie aan jou behoort.
Waar daar rook is is daar ‘n vuur, ontwakend self gemaskerde dier.
Ek verstik in hierdie fokken rook.
O dis ons s’n (onsin) hierdie ondier.
Die gebou val ‘n waterwal, ontwakend self agter die masker, ja agter die masker ‘n gewapende dier.

Die son skryf vir almal ‘n getikte brief met ‘n pen.
Om ons te herinner aan die prag van eenvoud en ons doel om te verken, verken.
Ontwortel omhoog, voorwaarts sag.
In hierdie oerwoud is jy die byl, in hierdie leeftyd is jy die gesag.
Varsklap.
Varsklap.

Ontwaak in hierdie uur van nood.
Laat die storie aan jou behoort.
Waar daar rook is is daar ‘n vuur, ontwakend self gemaskerde dier.
Ek verstik in hierdie rook.
O dis onsin hierdie ondier.
Die gebou val ‘n waterwal, ontwakend self agter die masker, ja agter die masker ‘n gemaskerde dier.

Hy sê ons moet glimlag en dans in die tronke van verdriet en nooit opsy staan vir ‘n beter lied.
‘n Atoombom van hartstog is net tydelik my vriend en jou voorbeeld van blydskap is sterker as verdriet.

Ontwaak in hierdie uur van nood.
Laat die storie aan jou behoort.
Waar daar rook is is daar ‘n vuur, ontwakend self gemaskerde dier.
Ek verstik in hierdie rook.
O dis onsin hierdie ondier.
Die gebou val ‘n waterwal, ontwakend self agter die masker, agter die masker ‘n gewapende dier.

Advertisements

Dood van die Onskuldiges

Standard
 Bloedkolson rol oor die rand

Karoovlakwind sny koud
Blikkeëls roep: Onskuldig! Onskuldig!
Laksman wag by die sout

Veroordeelde kom op die wa
Daar’s geen gespot of gespoeg
Hangoortjies kopwip oor die klip
Bene vas maar daar’s geen gewroeg

Lemmetjie skerp op stompe klip
Japieskapiehond is lus
Bloedspoorpote met watermond
Gevoniste: Onbewus

Dan snel skerp lem deur woltaai vel
Voetjies spartel en skop
Bloed roggel en spuit en drup
Liggaam verwyder van kop

Velletjie van bossieskaap geskil
Blaas gaan na die hond
Drolletjies uit vetderm geryg
Grassies sit nog in die mond

Die dood van langstert-skapie-mê:
Vir vleisies vet en rooi
Wat wynvlektande deur kan byt
Beentjies vir woef gegooi

***

Die grootlewergans
Die afkeelskaap
Servet op die skoot,
Voor my sagte Fois Gras

Die afkophoender
Die penkop bees
“Ek wil nie weet nie,
Ek wil net eet.”