Dood van die Onskuldiges

Standard
 Bloedkolson rol oor die rand

Karoovlakwind sny koud
Blikkeëls roep: Onskuldig! Onskuldig!
Laksman wag by die sout

Veroordeelde kom op die wa
Daar’s geen gespot of gespoeg
Hangoortjies kopwip oor die klip
Bene vas maar daar’s geen gewroeg

Lemmetjie skerp op stompe klip
Japieskapiehond is lus
Bloedspoorpote met watermond
Gevoniste: Onbewus

Dan snel skerp lem deur woltaai vel
Voetjies spartel en skop
Bloed roggel en spuit en drup
Liggaam verwyder van kop

Velletjie van bossieskaap geskil
Blaas gaan na die hond
Drolletjies uit vetderm geryg
Grassies sit nog in die mond

Die dood van langstert-skapie-mê:
Vir vleisies vet en rooi
Wat wynvlektande deur kan byt
Beentjies vir woef gegooi

***

Die grootlewergans
Die afkeelskaap
Servet op die skoot,
Voor my sagte Fois Gras

Die afkophoender
Die penkop bees
“Ek wil nie weet nie,
Ek wil net eet.”

Advertisements

One thought on “Dood van die Onskuldiges

  1. Mikela van Dyk

    ❤ Wow Danél, dit is so goed geskryf. Ek voel al maande ek moet weer begin skryf, oor die dinge waarvoor my hart so sterk klop, want ek weet nie meer waar om te begin om daai verandering te wees wat mens wil sien in hierdie wreede wêreld nie. Soms voel ek so oorweldig deur daai realiteit dat ek nie kan slaap of eet nie. En jou blog het my vandag net weer herinner dat 'klein' goedjies groot verskille maak, al is dit een hart op 'n slag, want "ignorance is not bliss." Dankie vir jou! xx

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s